2025-nji ýylda Astrakhan sebitinde gurlan 4 sany konteýner daşaýjy gämileriň Hazar deňzine çykmagyna garaşylýar.

Astrakhan sebitiniň senagat, söwda we energiýa ministri Ilýa Wolinskiý bu barada “Lotos” döwlet telewideniýe we radio kompaniýasyna beren interwýusynda aýtdy diýip Astrahan oblastynyň häkimliginiň resmi portaly habar berýär. Wolinskiý, Astrakhan portunyň Ýörite ykdysady zolagynda Türkmenistanyň söwda we logistika merkezini döretmek baradaky taslamanyň giňeldilendigini aýtdy.

Ministr “Biz diňe bir Astrahanyň üsti bilen türkmen harytlarynyň eltilmegi, Russiýanyň çägindäki paýlanyşy we degişlilikde rus harytlarynyň Türkmenistana eksporty barada gürrüňdeşlikleri geçirýäris. Portumyzyň ýörite ykdysady zolagynda Türkmen logistika merkeziniň döredilmegi netijesinde Türkmenistan, Hazar deňziniň üsti bilen Russiýa Hytaýdan, Gyrgyzystandan, Özbegistandan, Owganystandan we Päkistandan harytlaryň daşalmagynda geljegi uly bolan esasy ulag merkezine öwrülip biler” – diýip belläp geçdi.