Ammarlar

Açyk görnüşli ammarlar

Türkmenbaşy Halkara deňiz portunyň terminallarynda ýerleşýän Açyk ammarlarynda açyk howada saklanyp bolýan ähli görnüşli konteýnerleri, ürgün görnüşdäki kükürt, koks ýaly himiki ýükleri we dürli görnüşli umumy ýükleri saklamaga mümkinçilikler döredilen.

Ýapyk görnüşli ammarlar

Türkmenbaşy Halkara deňiz portunyň her bir terminalynda ýerleşdirilen Ýapyk görnüşli ammarlarda, ýylyň ähli paslynda, dürli görnüşli umumy ýükleri, ýagny: haltalarda, big-beglerde, paletlerde, poddonlarda, ýaşşiklerde, gutularda, daňyly, sargyly, paçkaly, gapsyz görnüşdäki metallar, demir gurnamalar, enjamlar, gurluşyk harytlary, agaç önümleri, günden we ygaldan goralýan ürgün ýükler we ýörite ideg talap edýän ýükleri saklamak üçin ähli şertler döredilen.

Gümrük ammary

Türkmenbaşy Halkara deňiz portunyň Gümrük ammary – Türkmenistanyň çägine getirilen harytlaryň gümrük paçlary, salgytlar tölenilmezden hem-de Türkmenistanyň kanunçylygynda bellenilen ykdysady häsiýetli gadaganlyklar we çäklendirmeler ulanylmazdan 3 ýyl möhlet bilen gümrük gözegçiligi astynda saklanylýan gümrük düzgünidir. Bu bolsa gümrük ammarynda saklanylýan ýükleri portuň çäginden awtomobil, demir we deňiz ýollary arkaly islendik ugur boýunça ugratmaga mümkinçilik döredýär.