Ýurdumyzyň iri önümçilik desgalarynda öndürilýän önümler ýurdumyzyň içerki bazarlaryny doly üpjün edip, esasy bölegi hem eksporta ugradylýar. Türkmenbaşy Halkara deňiz portunyň Ürgün ýükler terminalynyň gurlup ulanylmaga berilmegi bilen ýurdumyzdan eksport ugradylýan we üstaşyr daşalýan ürgün ýükleriň logistikasy has hem ýeňilleşdi. Şeýle hem bu terminal sebitde ürgün ýükler üçin niýetlenen ýeke-täk terminal bolup, himiýa we oba hojalyk senagatynda ulanylýan ürgün ýükleriň barmaly ýerine wagtynda barmagy we logistikanyň amatly bolmagy üçin şert döredýär. Terminalda demir magdany, sement, kömür, kükürt, galla, şeker, duz we beýleki köp sanly ürgün ýükleri saklamak we dolandyrmak mümkinçiligi döredilen.